近年指數化投資大行其道，特別美國是全世界ETF交易最活躍的市場。
經過今年3月急速下跌一役後，自己投資方向都偏用ETF做主攻，加配1-2隻個股輔助，少量個股只是考自己眼光和額外幫組合增加回報。
ETF主要利用美國最強納指100指數做核心主力，務求能緊緊擁抱美國最強科技公司，自己卻能免去選股和猜進出場時間。
數月前，香港恆生科技指數面世，成份股規定30間大中華公司，佔比每隻上限8%，成份名單一公布，頭4位暫時都是騰訊，阿里，美團，小米，共佔比大約33%。
而自己預視將有大量中國科技公司會回港進行第2上市或到港IPO。
百度，螞蟻金服，字節跳動，滴滴出行，這些大型著名科網公司都來集資，未來肯定成為成份股之一。
雖然美中關係是不明朗，但這類科網公司專注服務中國市場只足夠，令其規模壯大，所以都想為組合加入這隻「中國版的QQQ。」
終於傳來好消息，今天首隻恒生科技指數ETF正式推出 - 南方東英的恒生科技ETF（3033）。
留意FB 發現今天開市時曾發生趣事， 9點30分開市報20元，較南方昨日所提供的上市起始價7.5元高出167.7%，意味這成交千萬資金在數分鐘內虧損達60%，每手帳面即蝕2,400元。
自己立即留意網上有不少趣怪留言都評論這情況，雖然自己會去投資相關ETF，但都不用心急第一秒鐘買貨的，細想那些散戶為何在開市掃入呢？而他們心中盤算又是什麼另類計劃呀？我自己不明解。
再留意新聞，發現將有另一隻相關ETF會在下星期上市，其實要買入都需要先貨比三家，先了解產品每年管理費收取多少，產品背後是否持有實物股票。另外，現時恆生科技指數大約在7500點附近，7500點是屬於低估還是高估呢？我不清楚，但我嘗試找資料了解。但散戶們，今早買入是否了解清楚？
散戶將ETF當新股咁炒搞得甩轆的下場。
回覆刪除我個人認為3033費用比率達至1.49%及Tracking error高達2％，其實都令人幾卻步買佢，既然是被動地追蹤指數走向，為何需要收取如此高的費用呢？而且追蹤誤差仲咁高，更別論恆生科指成分指有部分個股質素實屬一般。其他追蹤科指的ETF即將陸續上市，投資前建議大家貨比三家先好買。
正確見解，就算有投資價值，買入前都要貨比3家，散戶在高位買入，只有被迫坐，或者加貨。
刪除成個科技指數暫時都好流，單買頭幾隻自己組合就算駛乜買佢隻ETF。等第日越黎越多公司入左，先再搵個合適的去買啦(或者到時唔炒科技股了)。
回覆刪除一開市衝入去果啲其實抵死架喎，呢類ETF 個價最好計，市面大把地方會講淨值你知。咁都唔去搵就大家一齊鬥傻咁衝入去無得怪人呢...
係呢隻ETF，我自己覺唔錯公司只有700，9988，268，其他暫時真無興趣。
刪除你都明啦，散戶最想賺快錢，一聽到科技指數上市，咩都唔理，入左再算，哈哈😄