牛熊證之我見

明天起香港一連四天公眾假期，港股市場休市。

身邊朋友因錯失先前3月低位加貨時刻，未能賺錢，不入場原因簡單，就是疫情未見到曙光，為何要接一把急的刀子呢？

隨著香港感染數字下降，限聚令又可能下星期完結，全球國家亦逐步重啟經濟，加上全球股市已由低位回升不少，利好消息一時湧現， 朋友當然唔想放過這刻賺錢機會，但現在是熊市還是牛市重臨，事後先會知的，但他們亦想刀仔鋸大樹，因為萬一睇錯市，損失金錢都只是有限數。

我自己在幾年前都曾買入牛熊證，與其同馬會對賭，不如在股市中賺錢好過，始終在股市經歷多年，要估升/跌應該不難，但自己最後都是敵不過市場/大户，輸錢收場，而自己知道犯了大錯，就是對市場不謙卑，以為自己有聰明，永遠會做到對的那班人，哈哈。

今天港股臨收市前，朋友就問我「你覺得下星期一是升市還是跌市呀？」，我當時心想，這星期全球多經濟數據出來，科技大公司出業績，聯儲局又開會，那麼多事件影響市場，我自己那知道下星期一是會升/跌呢？

但朋友就發了以下圖，再加以說明，「上面有可能殺熊呀！，所以入牛比較好，但今星期又有好多事發生，究竟要買牛定熊呢？」

於是我跟他說一句，「點解要入場買呢？放假休息下不行嗎？」

他答：「有錢唔汁嗎？」

我即回一句，「咁你慢慢汁吧，哈哈！」

香港都有好少人有接觸衍生工具，長期沉迷我相信都有一班人，他們會以為自己永遠會睇岩邊，加上自己都是想賺茶錢，不容易做大户點心的，而其實這班人都是心存僥倖，第一次贏，會繼續買 ，但第一次輸，都會繼續買，因為要追回失地，那樣他們究竟在香港衍生工具要停留幾耐先懂離開呢？

請問大家過往有無玩衍生工具經驗呢？分享下啦。