推倒巨人歌利亞

 

經歷美股單月3次溶斷，油價負數，Tesla 入標普500事件，已覺得2020年不可思議，想不到踏入2021，美股GME被沽空事件又將會寫入教科書內。

眼看股價不斷被散戶推高，對沖基金就要交數底下，居然有個別券商暴力㩒市下，唔准開倉，只准平倉。

買貨又唔准呀！又話是自由市場的？到底GME事件最後點埋尾呢？我真唔知道。

喂，公你贏，字我輸，升市唔准買，散戶大多都是被收割的一班人。

富途證券稱已禁止GameStop（GME）開倉（買），只准許平倉（賣）；嘉信及盈透證券（IB）亦限制用戶買入GME及AMC院線股票，只准平倉。

美資券商Robinhood亦公佈，只准沽出AMC、GME等股票。

加上出面傳緊Robinhood班客準備告上法庭，而Robinhood一直傳緊部署上市將會一身蟻。